|
15.05.2012 - Граѓанскиот сектор на општина Јегуновце преку јавна дебата денес во просториите на општината се сретна со градоначалникот Тони Коцески со цел меѓусебно да се договорат околу заедничките активности кои ги очекуваат оваа година
Членови на граѓански здруженија, на спортски клубови и ловни друштва кои функционираат на територијата на општина Јегуновце, денес седнаа со нивниот градоначалник на иста маса и преку јавна дебата разговараа за поттикнување на нивните активности со кои заеднички се запознаа на трибината со тема: Поддршка на идеи и иницијативи за развој на граѓанскиот сектор во општина Јегуновце.
Основната цел на заедничката средба беше унапредување на заедницата преку развој на граѓанскиот сектор и воспоставување заедничка соработка на граѓанските организации со општината, при што беа и договорени заедничките активности за оваа година.
Во рамки на своите буџетски можности предвидени за граѓанскиот сектор, градоначалникот Коцески им посочи дека ќе бидат одобрени средства за промовирање на нивниот сектор. Но според градоначалникот Коцески, денешниот заеднички состанок со граѓанскиот сектор беше со друга примарна цел.
Согласно податоците од Централниот регистар на Македонија, во 2010 имало регистрирано 28 граѓански организаци. Од нив, до првата половина на минатат гдоина се пререгистрирале само три. И покрај малиот број граѓански огранизации, сите се подеднакво активни. Најбројни од нив биле спортските, веднаш по нив културните, потоа оние кои се активни во социо-хуманитарната област, а само една во делот на екологијата.
Соња Атанаскоска
|
|
