|
19.05.2012 - Тетово е домаќин на 13-тиот по ред Традиционален меѓународен турнир во шах за слепи лица
Здружението на слепи лица од Тетово, по 13-ти пат, е организатор и домаќин на Традиционалниот меѓународен шаховски турнир за слепи лица. Освен шахистите од Македонија, на овој турнир учествуваат и шахисти членови на Здруженија на слепи лица од нашите соседни земји. Целта на ваквите собири е пред се меѓусебното другарување.
Учесниците на турниот се задоволни од организацијата, и сметаат дека ова е убав начин за меѓусебно другарување, и се надеваат и на понатамошна соработка помеѓу здруженијата и се понатамошен успех.
-Веќе долги години доаѓам овде во Тетово. Многу сум почестен и задоволен со организацијата, со гостопримството и со големиот број учесници шахисти. Нам под број еден ни е дружењето, а шахот е поводот. Претчувствувам дека се проширува соработката. Гледам дека за првпат има и шахисти од Приштина, што го збогатува овој меѓународен шаховски турнир, и тоа е за пофалба-изјави Радован Јаковлевиќ- претседател на меѓуопштинска организација на слепи лица од Косовска Митровица.
Традиционалниот меѓународен турнир во шах за слепи лица започна вчера, а ќе трае се' до недела, кога ќе бидат прогласени најдобрите шахисти, за кои се обезбедени 5 пригодни парични награди, обезбедени од спонзори.
Данијела Петковска
|
|
