|
22.05.2012 - Во пресрет на празникот Свети Николај-летен, православните жители од Слатина вчера го чествува овој празник на местото каде што некогаш постоела црква
Православните жители од населеното место Слатина, вчера во пресрет на празникот Свети Николај-летен, се собираа високо над селото, на местото каде што според преданијата е пронајден камен, кој потекнува од црквата, која се наоѓала на тоа место. Традицијата на местото каде што се наоѓа каменот да запалат свеќи за здравје на своите најблиски потекнува од дедо прадето, раскажуваат слатинчани.
Традиционално во пресрет на празникот Свети Николај-летен верниците кои се собираат високо над селото Слатина на местото каде што според преданијата постоела црквата се приредува заедничка трпеза. Трпезата ја благословија протојереј ставрофор Мирко Станковски и прота Перица Бојковски. Кумот се избира на доброволна основа.
Верниците од Слатина но и околните села кои редовно секоја година присуствуваат на собирот во пресрет на празникот Свети Николај-летен имаат голема желба во блиска иднина на местото каде сега сведочи каменот да се возобнови црквата за од некоја следна година уште подостојно и помасовно да се одбележува празникот, но и да се продолжи традицијата на нивните дедовци и прадедовци.
Наташа Петровска
|
|
