|
24.05.2012 - Македонската православна црква денес го чествува 24 мај Денот на сесловенските просветители Светите Кирил и Методиј
Централната прослава на 24 мај Денот на сесловенските просветители Светите Кирил и Методиј во ТАН се одржа во соборниот храм Свети Кирил и Методиј. За прв пат поглаварот на Македонската православна црква г.г Стефан чиноначалствуваше свечена литургија за овој празник во тетовската соборна црква.
Со оглед дека денес се одбележуваше и Спасовден-Христово вознесение, по изминати 40 денови од Велигден, се празнуваше двоен празник. Неговото блаженство архиепископот Охридско македонски, поглаварот на МПЦ, ГГ Стефан и митрополитот Полошко кумановски Господин Кирил во сослужение со повеќе архимандрити, протојереи, јеромонаси, свештенослужители и ѓакони од Скопската митрополија, Полошко кумановската епархија и ТАН отслуотслужија света божествена архиерејска литургија.
Со духовни песни активно во литургијата учествуваше женскиот младински хор Менада под диригентсво на Ивица Зориќ. Беседа за големото и епохално дело на истакнатите сесловенски просветители светите браќа Кирил и Методиј произнесе поглаварот на МПЦ Господин Гиосподин Стефан.
За 45 годишнината на автоќефалната МПЦ и Охридска архиепископија на свеченоста зборуваше митрополитот Полошко кумановски Господин Кирил. Митрополитот Гоподин Кирил е единствениот жив потписник и учесник на Црковниот Собор во 1967 година на возобновување на целосната автокефалност на древната и стара архиепископија олицетворена во денешната Светоклиментова МПЦ.
На митрополитот Кирил за 45-те години предано служење како архипастир и на својот благороден народ, од еснафот и од сите верници на Тетовското архиерејско намесништво му беше свечено предадена плакета и пригодна награда.
По повод двојниот празник во конаците на манастирскиот комплекс Свети Атанасиј и Света Богородица во Лешок беше приредена заеднича трпеза на љубовта која ја благослови неговото блаженство архиепископот Охридско Македонски ГГ Стефан.
На пригодната свеченост во Лешочкиот манстир , претседателот на Здружението за култура Иљо Антески Смок од Тетово, Хаџи Милорад Ѓорѓески, по повод 90 годишнината на споменатото тетовско здружение му додели Плакета на митрополитот Полошко Кумановски гоподин Кирил.
Јован Булески
|
|
