|
08.06.2012 - Со пригодна прослава и свечено пуштање во употреба на сензорна соба за деца со аутизам, Дневниот центар за деца со посебни потреби Тетово денес го прослави својот десетти роденден
Дневниот центар за деца со посебни потреби Тетово денес го прослави своето десетгодишно постоење. Децата згрижени во овој Центар пред нивните родители испеаја неколку песни се со цел да го одбележат десетгодишниот јубилеј од институцијата која секојдневно ја посетуваат каде меѓусебно се дружат, се забавуваат, учат и се стекнуваат со нови знаења и способности.
Дневниот центар за деца со посебни потреби - Тетово е топло катче за 22 деца кои секојдневно го посетуваат. Тој во текот на целиот ден е исполнет со џагор и смеа од децата а оние посетители кои што влегле во него со резерва, од тука излегле задоволни, среќни и исполнети.
Соња Атанаскоска
|
|
