|
09.06.2012 - Интернационалниот циркус Сафари предизвика голем интерес кај луѓето
Од најмали до највозрасни, тетовци деновиве уживаат во претставите на реномираниот интернационален циркус Сафари.
Редиците пред влезот и пополнетите места во циркусот покажуваат дека луѓето сакаат да го видат шоуто на циркузантите од различни земји.
Претставите започнуваат со музичката точка на мистер Коко, потоа следува училиштето за лавови, хулахопот на Том, точките со разни животни: пониа, бикови од Африка, коњи, камила, слонови.
Публиката беше воодушевена и од точката Стариот Рим, односно од перформансите со оган.
Во нивното шоу е направена комбинација од класичен со модерен циркус. Класичен значи акробари, кловнови, тренери на животни и модерниот дел е костими, светла, пеење и играње заедно со публиката.
За време на паузите тетовци јаваа на пониа и камила, а ги погледнаа и животните во циркуската зоолошка градина.
Циркусот Сафари своите претстави во Тетово ќе ги прикаже и утре, а следна негова дестинација се Гостивар и Скопје.
Од 13 до 17 јуни, интернационалниот циркус Сафари гостува во Гостивар. Дневно ќе се одржуваат по две претстави, во 18 часот и во 20.30 часот. Циркусот ќе биде сместен во Гратски стадион парк.
Данијела Петковска
|
|
