|
09.06.2012 - Свечена промоција на апсолвентите од 8-та генерација на Универзитетот а Југоисточна Европа во Тетово
На Универзитетот на Југоисточна Европа во Тетово денес беше промовирана осмата генерација на апсолвенти. Свеченоста започна со традиционалното исполнување на академската химна Гаудемус Игитур.
Претседателот на одборот проф.д-р Денис Фарингтон прв им го честита завршувањето на универзитетското образование на студентите.
Сите кои дипломираа годинава добија сертификати.Седумстотини апсолвенти од сите факултети на тој начин свечено го одбележаа тригодишното образование на Универзитетот.
Ректорот на Универзитетот на Југоисточна Европа Замир Дика истакна дека денес заедно се слават успехот на едно патување исполнето со предизвици, потешкотии но и со убави моменти.
-Вие почитувани студенти стекнавте знаење, интелектуална конфигурација и вештини за критична анализа кои ќе ги користите на најдобар можен начин во вашите кариери, порача ректорот во своето обраќање.
Беа прогласени и најдобрите студенти од сите факутети на универзитетот на Југоисточна Европа, Арлинд Муслиу, Данијела Анѓелковска, Доника Зендели,Дајана Димитриевска,Леонора Пашо.
Александар Самарџиев
|
|
