|
11.06.2012 - Семејството Јовановски од населеното место Палчиште е едно од двете македонски семејства кои се во своето родно село секој ден
Брачниот пар Стана и Злате Јовановски речиси петнаесет години секој ден доаѓаат во населеното место Палчиште и се едни од ретките Македонци кои толку често го посетуваат ова село. Покрај нив, на почеток на селото живее уште едно македонско семејство.
Велат дека родното парче земја е тоа што ги привлекува во Палчиште. Додека и двајцата биле вработени, тука доаѓале само преку викендите, но изминатата деценија и пол наутро си доаѓаат, навечер си заминуваат и така секој ден. Со своите сожители Албанци велат дека имаат одлично разбирање и меѓусебна почит. Така билои за воениот конфликт во 2001 кога Злате токму негови соседи Албанци го носеле до црквата и назад за да ја ѕирне одвреме-навреме. Всушност, според него, токму албанското анселение во Палчиште го чувале овој свет храм кој се наоѓа во дворот на нивната куќа.
И сопругата Цана е задоволна од заедничкиот живот со соседите албанци. Вели дека се случува дури и да си одат едни кај други на гости кога имаат време за тоа.
|
|
