|
12.06.2012 - Полицијатата изминатиот викенд учествуваше на спортски натпревари во мал фудбал, одбојка и кошарка
Изминатиот викенд во Крушево се одржаа полициски спортски натпревари во мал фудбал, одбојка и кошарка.
На натпреварите учествуваа по пет екипи од СВР Битола, СВР Тетово, СВР Охрид, Бирото за јавна безбедност и Регионалниот центар Запад.
Во мошне силна и резултатски изедначена конкуренција, фудбалската екипа од Секторот за внатрешни работи Тетово беше најдобра и го освои првото место на овој квалификационен турнир.
Првото место на турнирот, исто така, го освои и одбојкарската екипа на СВР Тетово.
Првопласираните екипи во трите конкуренции, односно дисциплини ќе настапат на претстојните завршни синдикални игри, кои во септември годинава ќе се одржат во Охрид, информира портпаролот на СВР Тетово, Марјан Јосифоски.
Во Секторот за внатрешни работи Тетово, утре од 9 до 13 часот ќе се организира, односно спроведе крводарителска акција, во рамките на која вработените ќе имаат можност на дело да ја искажат своја несебичност и хуманост.
Тоа ќе биде втората акција годинава и во неа се очекуваат најмалку четириесетина нови единици од течноста која живот значи, што е посебно значајно во летниот период во кој се и најголеми потребите за крв.
Во претходната акција пролетоска беа собрани триесетина единици, а лани вкупната бројка на ваквите единици изнесуваше над 100.
Даниејла Петковска
|
|
