|
12.06.2012 - Трета година по ред основното училиште Андреа Савески Ќиќиш од Тетово по повод крајот на учебната година организира мултиетничка приредба
Мултиетничка приредба по повод крајот на учебната година веќе трета година по ред организира основното училиште Андреа Савески Ќиќиш од Тетово.
Ученици со настава на македонски, албански и ромски јазик изведуваат заеднички точки на сите три јазици.
Учениците од прво до четврто одделение последниве неколку недели со многу љубов и ентузијазам го вежбаа својот настап после часовите.
Пред родителите, роднините и пријателите во дворот на училиштето вчера покажаа колку успешно умеат да пеат и рецитираат на македонски, албански и ромски јазик без разлика кој е нивниот мајчин јазик.
Oсновното училиште Андреа Савески Ќиќиш од Тетово ја организира мултиетничката приредба на крајот на учебната година како дел Проектот за мултиетничка интеграција на Македонскиот образовен систем.
Наташе Петровска
|
|
