|
15.06.2012 - Јавното претпријатие Комуналец гради канализација во населбата Ќерамидница
Новата канализација ќе стави крај на маките на сопствениците на ниви во месноста Ќерамидница, гостиварско. Наместо да се дават во фекалии, тие конечно ќе можат да си го обработуваат земјиштето. Јавното претрпијатие Комуналец започна со изградба на канализација која како што објаснуваат се прави според сите стандарди. Важноста на проектот ја гледаат во избегнување на можноста од зарази и епидемии кои се закануваа поради излевањето на фекалиите на површина од околу 5 хектари.
Со претходниот проект за канализација од 2008-ма година, цевките од блиската населба Циглана кои собираа отпадни води од стотина домаќинства завршуваа во нивите. Минатото лето сопствениците на земјиштето искажаа незадоволство и страв од последици по здравјето.
За реализација на проектот предвидено е да бидат потрошени околу 30 илјади евра. Работите се очекува да се заокружат за неколку дена.
Љупка Антеска
|
|
