|
19.06.2012 - Основниот суд во Тетово одамна го напушти последното место во однос на ажурноста и од пред неколку години успеа да се нареди меѓу најажурните судови во Македонија
Како да се скрати времетраењето на судските процеси и да се зголеми ефијкасноста и ажурноста е основна преокупација на вработените во Основниот суд во Тетово. Во рамките на таквите настојувања во текот на минатата година успешно беше реализирана програмата за реновирање на одделнио служби и одделнија и нивно компјутеризирање и доопремување со што се создадени подобри услови за работа и можности за поефикасни услуги во архивата и, шалтерските и други служби.
-Основниот суд во Тетово има широко отворени врати за граѓаните. Забележливи се резултатите што ги постигнува тетовскиот основен суд и на планот на зголемување на ефикасноста, изјави претседателот на Основниот суд во Тетово Ханиф Зендели.
Наспроти зголемениот број на нови предмети на почетокот на годинава вкупниот број на нерешени предмети на почетокот на овој месец бил намален за околу илјада , во споредба со делкември минатата година. Некои од судиите во тетово со одолговлекувањето на судската постапка во извесна мера ги девалвираат резултатите што се постигнуваат на ниво на Основниот суд во зголемување на ефикасноста во работењето. Во континуитет се следи не само ажурноста туку и стапката на укинати решенија што влијае во оценката за севкупното работење на секој судија, вели Зендели.
Во основниот суд во Тетово успешно фукнционира канцеларијата за односи со јавноста. Со доопремувањето и со компјутеризацијата достапни им се сите информации на граѓаните и преку судската видео мрежа која има повеќе екрани на највпечатливи метса, а особено во чекалнните.
Јован Булески
|
|
