|
28.06.2012 - Каратисти од карате клубот Љуботен од Тетово минатиот викенд учествуваа на меѓународен карате турнир во Суто Море, Црна Гора од каде се вратија со 2 златни, 2 сребрени и 8 бронзени медали во натпреварувања во кати
Каратистите од карате клубот Љуботен од Тетово продолжуваат со нижење на нови успеси. Овојпат, со медали се вратија од меѓународен карате турнир во Суто Море, Црна Гора каде двајца од младите каратисти освоија златни, двајца сребрени и осмина бронзени медали во натпреварување во кати. Натпреварите беа во изведба на кати а се одржаа во ОУ Кекец. Нивниот тренер, Јованче Јовановски не го крие задоволството што токму неговите каратисти се толку успешни во спортот кој го сакаат.
Наградените каратисти со посебни импресии од натпреварите одржани во Суто Море. Веднаш по натпреварувањето, следувало и полагање за појаси каде Стефан Ѓорѓески станал карате мајстор први дан.
Каратистите од КК Љуботен и за во иднина најавуваат учество на нови натпревари од каде се надеваат ќе се вратат со големи успеси.
Соња Атанаскоска
|
|
