| |
 |
|
|
 |
|
| |
|
|
28.06.2012 - Во Гостивар се дебатираше за состојбите во културата и насоките на културниот развој на подрачјето
Уметници, претставници од невладиниот сектор, културно-уметнички друштва и локалната власт во Гостивар дебатираа за состојбите во културата и насоките на културниот развој на подрачјето. Јавната расправа се организираше со цел да се слушнат мислења и забелешки пред Стратегијата за развој на културата во Гостивар да ја добие својата финална печатена форма.
Документот се изработува во рамки на проектот Култура од-за сите што го спроведува Мултимедија центар.
Според програмскиот директор Виолета Симјановска, Гостивар е позитивен пример за креирање Стратегија која се базира врз потребите и барањата на граѓаните.
Стратегијата е фокусирана на три цели: обновување на културната инфраструктура, промовирање на културните вредности и потенцијали и унапредување на менаџментот. Документот се однесува на периодот од 2012 до 2016-та година.
Во буџетот на општина Гостивар за годинава предвидени се околу 50 илјади евра за културни настани и активности.
Освен во Гостивар проектот Култура од-за сите се спроведува во Тетово и во Кичево.
Љупка Антеска
|
|
| |
|
|
|
|
|
|
