|
28.06.2012 - Преку реконструкција на постоечки и изградба на нови културни објекти, како и поддршка на различни културни манифестации ќе се збогатува културниот живот во Тетово
Културниот живот во Тетово како универзитетски град изминативе години не беше на завидно ниво, затоа ќе се збогатува со реконструкција на постоечки и изградба на нови културни објекти, како и поддршка на различни културни манифестации.
Советот на општина Тетово го поддржа Стратешкиот план за културен развој за периодот до 2015 година откако советниците го изгласаа на денешната 41 седница.
На почетокот на денешната 41 седница, советниците изгласаа од дневниот ред да бидат повлечени точките за предлог одлуките за доделување финансиски средства за поддршка на тетовскиот интернационален фестивал на филмот Ода 2012 и за фудбалскиот клуб Шкендија. Наместо нив беше додадена точка за усвојување на уште еден урбанистички план за урбан блок во Тетово покрај другите две предвидени точки од дневниот ред за усвојување на урбанистички планови за блок 80 и блок 75.
Наташа Петровска
|
|
