|
29.06.2012 - Универзитетот на Југоисточна Европа два дена е домаќин на македонски и странски научници кои преку научен пристап ќе се осврнат кон состојбите во Балканот низ историјата на меѓународната конфереција под наслов: Балкан - вчера, денес и утре
Балкан - вчера, денес и утре е темата на меѓународната конференција која започна денес на Универзитетот на Југоисточна Европа каде гости од земјава и странство преку научен пристап се осврнаа кон состојбите во Балканот низ историјата.
Дел од конференцијата беше германската амбасадорка во Македонија, Гудрин Стајнакер која во Балканот гледа прогрес во многу области во споредба со нејзините први искуства кога доаѓала туку како студент во доцните седумдесети години. Смета дека балканските земји можат да го остават минатото зад себе и да мислат на заедничка визија за иднината.
Со различни погледи за минатото, сегашноста и иднината, присутните ја разгледуваа оваа тема за која како што сметаат тие, е недоволно разработена а многу случаи поврзани со Балканот нерасветлени. Сепак, оптимисти се за иднината на овој дел од Европа.
Ако оваа конференција помогне за создавањето на визија за перспективна иднина за Балканот и нејзините држави, тогаш со нејзиното оддржување постигнале голем успех, сметаат учениците на конференцијата.
Соња Атанаскоска
|
|
