15.03.2017 - Еден малолетник е повреден и задржан во болница во тепачка меѓу две групи на улица во Тетово

Вчеравечер околу 19 часот и 20 минути, на крстосницата на улиците „Маршал Тито“ и „Јане Сандански“ во Тетово бил нарушен јавниот ред и мир со тепачка во која учествувале две групи млади лица од Слатино и Пршовце, на возраст од 16, 17 и 18 години.

Во тепачката, тие меѓусебно размениле повеќе удари и кога биле забележани од полициските службеници на СВР Тетово, избегале по улицата „Јане Сандански“ кон улицата „Борис Кидрич“.Еден од учесниците во тепачката задобил телесни повреди и по укажаната лекарска помош во тетовската болница, задржан е за опсервација.

Дел од учесниците во тепачката се веќе идентификувани и во присуство на нивни најблиски повикани се во Полициската станица Тетово, а другите дополнително ќе се повикаат. По целосното расчистување на случајот ќе следуваат соодветни поднесоци.

Денеска наутро од 5 до 6 часот, полициски службеници на Секторот за внатрешни работи Тетово-Полициска станица Гостивар, извршиле претрес во куќата и помошни простории на 52 годишен жител на гостиварското село Чајле. При претресот, реализиран со судска наредба, пронајдени, односно затекнати се 6 албански државјани, од Либражд и Кукс, на различна возраст од 22 до 47 години. Тројца од нив имале пријавен престој, а преостанатите немале и нелегално работеле, односно биле ангажирани во градежни активности.

Албанските државјани и сопственикот на куќата приведени се и задржани во Полициската станица Гостивар, а потоа се предадени на Отсекот за прекуграничен криминал, миграции, странци и реадмисија за натамошна постапка.

Инаку, денешниот претрес во Чајле е во рамките на континуираните активности што ги превзема Секторот за внатрешни работи Тетово за откривање на странски државјани, кои непријавено престојуваат и работат на подрачјето, но и за расветлување на нивна евентуална инволвираност во кражби или други криминални активности.




 
     


 
 
25.04.2018 - Во плафон пукал пијан жител на Брвеница

25.04.2018 - Над шеесетина најразлични видови прекршоци на тетовското подрачје бележи СВР Тетово евидентирани само во текот на вчерашниот ден

25.04.2018 - За две години тројца тетовци оболеле од маларија, еден починал

25.04.2018 - Улиците во Тетово во катастрофална состојба

25.04.2018 - Општините во Полог со заедничка стратегија ќе се справуваат со пополавите

25.04.2018 - Советот на Општина Тетово ќе ја одржи петта седница

24.04.2018 - Денес започнаа градежните работи за рехабилитација на државниот пат, делница Јегуновце -Пршовце

24.04.2018 - Пикник на градскиот плоштад

24.04.2018 - Саем на кариера на Штуловиот универзитет

24.04.2018 - Полициски билтен на СВР Тетово

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.