06.09.2017 - Финансиски најтешко се издржува месец септември




Септември е најтешкиот месец за просечниот граѓанин кој живее само од плата. Повеќето семејства се исправени пред најтешкиот предизвик во годината, како да го врзат почетокот со крајот на месецот септември. Традиционално овој месец подготвуваат зимница, а семејствата со ученици или студенти имаат трошоци врзани за почетокот на учебната година.

Без разлика на висината на потрошувачката кошница на домаќинставата претходно, за да се протурка овој месец најчесто е потребно двојно повеќе - велат тетовци.


Трошокот за годишен одмор му претходи на трошокот врзан со почетокот на учебната година и трошокот за традиционалното подготвување на зимница. На сите овие пресметки треба да се додаде и редовниот трошок за сметките за струја, вода, телефон, интернет, кабелска. Тетовци се снаоѓаат како знаат и умеат, но во едно се согласни секој троши според длабочината на џебот, а безработицата најтешко ги погодува.



Ранци, тетратки, училишен прибор и нова облека, сето во некои семејства едвај се покрива од една месечна плата, особено ако во семејството има повеќе од еден ученик, средношколец или студент. Иако учебниците се бесплатни, само за училишниот прибор можат да се потрошат и до 3000 денари. Ако на ова се додадат и парите што се трошат за купување на нова есенска облека и обувки, од најмалку 5000 денари, подготовката на учениците во септември семејствата ги чини многу повеќе.


Наташа Петровска

 
     


 
 
23.05.2018 - Свечена академија во пресрет на Денот на сесловенските просветители

23.05.2018 - ОЈО Тетово поднесе обвинение против 13 лица учесници во вооружениот инцидент во Мала Речица

23.05.2018 - Викендов ќе се одржи 37-то традиционално искачување на Титов Врв

22.05.2018 - Прослава на Свети Никола - летен во Доброште

22.05.2018 - Тетово повторно под вода

22.05.2018 - 24 -годишник од Република Албанија заработи кривична пријава поради постоење основи за сторени кражби во џамија

22.05.2018 - Празникот Свети Никола летен, традиционално се празнуваше во црквата Свети Никола во Жилче

21.05.2018 - Во сообраќајни контроли евидентирани 29 алкохолизирани возачи

21.05.2018 - Случаи на грип во Гостивар и во месец мај

21.05.2018 - Од 24 до 27 мај на Попова Шапка ќе се одржи Параглајдерски натпревар Љуботен опен 2018

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.