08.09.2017 - Без организирано одбележување на Денот на независноста 8 септември во Тетово


Положување цвеќе пред Споменикот на револуцијата во Тетово од страна на претставници на ВМРО ДПМНЕ и СДСМ беше единственото скромно потсетување на Денот на независноста во градот. И од двете партии заедно го осудија игнорантскиот однос на градските власти, кон одбележувањето на најзначајните датуми од македонската историја.

Од Општинскиот комитет на ВМРО ДПМНЕ, велат дека локалната власт во Тетово со која раководи ДУИ воопшто не ги почитуваат државните празници, повредувајќи ги чуствата на населението кое живее во Тетово.

Општина Тетово не го организира чествувањето на денот на независноста, а често пати немало ниту преставник на локалната власт на одбележувањето. Од друга страна, поранешните раководства на Сојузот на борци на истото место, Споменикот на револуцијата посветен на жртвите од Втората светска војна, организираше скромно чествување на празникот со положување цвеќе и пригодни говори. За годинава од Сојузот на борци соопштија дека на седница на претседателство одлучиле да не ја преземаат обврската на локалната самоурпава и тие да се јават како организатори на пригоден настан по повод Денот на независноста.

Единствен потсетник дека е државен празник во Тетово се само неколку знамиња поставени на еден од булеварите. Речиси сите приватните трговски објекти работат, а неработен ден го користат вработените во општинската администрација и другите државни институции.

Инаку Македонија денеска одбележува 26 години од спроведување на референдумот на кој граѓаните се изјаснија за самостојна и суверена држава. Убедливо мнозинство, над 95 отсто од граѓаните што излегоа на референдумот на 8 септември 1991 година, позитивно одговорија на референдумско прашање „Дали сте за самостојна Македонија со право да стапи во иден сојуз на суверени држави на Југославија“. Формално волјата на народот за самостојна држава беше потврдена со Декларација за прифаќање на референдумските резултати на 18 септември 1991 во Собранието на Република Македонија. Државата се осамостои монетарно со воведување на денарот на 26 април 1992, а потоа доби и своја Армија која роденденот го слави на 18 август.


 
     


 
 
19.01.2018 - Водици во Тетово

19.01.2018 - Водици денес пригодно се чествуваше во Теарце и Раотинце

19.01.2018 - Празнување во Фалише и Сараќино

18.01.2018 - Гледаност на регионалните телевизии

18.01.2018 - Православните верници утре ќе го чествуваат празникот Богојавление Водици

18.01.2018 - Одбележан Водокрст во Тетово

17.01.2018 - Музејот на тетовскиот крај со полни раце работа оваа година

16.01.2018 - Кривично ќе одговараат неколку лица кои физички нападнале други лица, или уценувале

15.01.2018 - Вчеравечер продолжи чествувањето на Василица во Копанце

15.01.2018 - Вчеравечер во Тетовско биле случени три сообраќајни незгоди

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.