09.09.2017 - По повод Денот на независноста, 8-ми Септември вчеравечер во Гостивар се одржа концерт на класична музика

По повод Денот на независноста, 8-ми Септември вчеравечер во Гостивар се одржа концерт на класична музика. Пред гостиварската публика настапи клавирското трио: Елена Дојчинова на флејта, Наташа Јованоска на виолончело и Марија Ѓошевска на пијано. Настанот под името „8-септемврски ноти“, го организираше гостиварскиот Центар за култура АСНОМ.

Во програмата од шеесетина минути беа изведени дела од светски познатите композитори: Хумел, Карл Марија фон Вебер и Фридрих Кулау. Триото го освои вниманието и симпатиите на гостиварската публика, која дојде во значителен број да го проследи концертот.

Во триото кое настапи во Гостивар членуваат успешни македонски музичарки, меѓу кои има и гостиварка, Наташа Јованоска. Таа е челист во Македонската Филхармонија и освен во нашата земја, има настапувано во Германија, Грузија и други држави. Како член на оркестарот на филхармонија редовно настапува под диригентските палки на многу светски имиња.

Дојчинова е надворешен соработник на Филхармонија, а до сега одржувала концерти во Србија, Бугарија, Чешка и др. Добитник е на повеќе награди.
Ѓошеска е еден од најистакнатите пијанисти во Македонија и е редовен професор на катедрата по пијано на Факултетот за музичка уметност во Скопје.



 
     


 
 
23.05.2018 - Свечена академија во пресрет на Денот на сесловенските просветители

23.05.2018 - ОЈО Тетово поднесе обвинение против 13 лица учесници во вооружениот инцидент во Мала Речица

23.05.2018 - Викендов ќе се одржи 37-то традиционално искачување на Титов Врв

22.05.2018 - Прослава на Свети Никола - летен во Доброште

22.05.2018 - Тетово повторно под вода

22.05.2018 - 24 -годишник од Република Албанија заработи кривична пријава поради постоење основи за сторени кражби во џамија

22.05.2018 - Празникот Свети Никола летен, традиционално се празнуваше во црквата Свети Никола во Жилче

21.05.2018 - Во сообраќајни контроли евидентирани 29 алкохолизирани возачи

21.05.2018 - Случаи на грип во Гостивар и во месец мај

21.05.2018 - Од 24 до 27 мај на Попова Шапка ќе се одржи Параглајдерски натпревар Љуботен опен 2018

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.