13.09.2017 - Апел на СВР Тетово




Со започнувањето на новата учебна година, Секторот за внатрешни работи Тетово забележително го зголеми полициското присуство околу училиштата, пред се во функција на ефикасно сообраќајно превенирање, но и за спречување и законско санкционирање на евентуални нарушувања на јавниот ред и мир, особено на таканаречените големи одмори.

Покрај тоа, зголемено полициско присуство деновиве се практикува и на автобуските постојки, на кои тргнуваат и застануваат автобуси и комбиња со кои се превезуваат ученици кон околните тетовски или гостиварски села и обратно.

Секторот за внатрешни работи Тетово посебно апелира до возачите да ја прилагодат брзината по улиците кои водат до училиштата и задолжително да им даваат предност на пешаците на обележаните премини, зашто во спротивно ќе се соочат со поднесоци и со глоба која за овој вид прекршок изнесува 300 евра во денарска противвредност.

Истото се однесува и на возилата кои вршат јавен превоз на патници, а кои неретко се паркираат на делови од тротоари во близина на училиштата, со што го попречуваат нормалното и безбедно движење на пешаците ( учениците) и ја загрозуваат нивната безбедност во сообраќајот. И тоа претставува сообраќаен прекршок за кој е предвидена глоба од 45, односно од 150 до 180 евра во денарска противвредност, зависно од тоа-каде е паркирано возилото.

До родителите на учениците,пак, се апелира да не им ги даваат возилата да ги управуваат без возачки дозволи за превезување до училиште и назад, појава која не е непозната на тетовското подрачје, бидејќи и против нив ќе следува поднесок и глоба во износ од 400 евра.

Секторот за внатрешни работи Тетово очекува дека овие апели ќе бидат добронамерно сфатени, прифатени и поддржани од сите учесници во сообраќајот, со што ќе се придонесе за поголем ред и безбедност на тетовските и гостиварските улици, но и на регионалните и локалните патишта.


Наташа Петровска


 
     


 
 
23.05.2018 - Свечена академија во пресрет на Денот на сесловенските просветители

23.05.2018 - ОЈО Тетово поднесе обвинение против 13 лица учесници во вооружениот инцидент во Мала Речица

23.05.2018 - Викендов ќе се одржи 37-то традиционално искачување на Титов Врв

22.05.2018 - Прослава на Свети Никола - летен во Доброште

22.05.2018 - Тетово повторно под вода

22.05.2018 - 24 -годишник од Република Албанија заработи кривична пријава поради постоење основи за сторени кражби во џамија

22.05.2018 - Празникот Свети Никола летен, традиционално се празнуваше во црквата Свети Никола во Жилче

21.05.2018 - Во сообраќајни контроли евидентирани 29 алкохолизирани возачи

21.05.2018 - Случаи на грип во Гостивар и во месец мај

21.05.2018 - Од 24 до 27 мај на Попова Шапка ќе се одржи Параглајдерски натпревар Љуботен опен 2018

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.