14.02.2018 - Нови злучаи на злоупотреби на социјалните мрежи





Минатата и оваа година, на тетовско-гостиварското подрачје забележителен е бројот на злоупотребите на лични податоци, особено на оние преку социјалните мрежи - „Фејсбук“ и „Инстаграм“.
Во Секторот за внатрешни работи Тетово, лани бил пријавен, односно регистриран 21 случај на вакви злоупотреби, а годинава, заклучно со денес - три случаи.
Претежно станува збор за злоупотребување на лични податоци и фотографии, кои претходно биле споделени со други лица, кои потоа сторителите ги објавиле или се заканиле дека ќе ги објават на социјалните мрежи доколку не им се исплатат парични средства или не им се исполнат други барања и услуги.
Најчести жртви на злоупотребите од овој вид се женски лица, во најголем број млади, по што биле уценувани или на друг начин биле оштетени од разно-разните закани по честа и угледот.
Секторот за внатрешни работи Тетово повторно им укажува на корисниците на социјални мрежи да бидат максимално внимателни кога воспоставуваат контакти и е-пријателства со непознати, зашто голема е можноста да бидат злоупотребени и вовлечени во непријатни ситуации со негативни последици по нивнатата личност и по нивните семејства или најблиски.
Ова, посебно се однесува на малолетниците, кои најмалку внимаваат на можните последици, со напомена дека злоупотребата на лични податоци е кривично дело за кое е предвидена парична или казна затвор до една година. Ако злоупотребата, пак, е направена од службено лице, затворската казна се движи од три месеци до три години.


Наташа Петровска


 
     


 
 
22.10.2018 - Славчо Марковски-Чаве по 30 години ја препушта позицијата тренер на кошаркарскиот клуб Тетекс

22.10.2018 - Над 20 % од вкупниот број контролирани возачи во полошко не ги почитувале сообраќајните правила и прописи

22.10.2018 - Промена на временските прилики, ќе биде студено и ветровито

22.10.2018 - Црна хроника во Гостивар

21.10.2018 - И во Тетово поместена возрасната граница за појава на рак на дојка

20.10.2018 - Меѓународен карате турнир "Тетово опен 2018"

20.10.2018 - Showroom за декоративни материјали во Дараком достапна за тетовци

20.10.2018 - Горат полошките ниви

20.10.2018 - Проект на СВР Тетово "Безбедни училишта - за меѓуетнички соживот и толеранција"

20.10.2018 - Полициски билтен

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.