12.07.2018 - СВР Тетово со информација за двајца тетовци нападнати од шест непознати лица

По полицијата регистриран случај на физички напад врз двајца тетовци на возраст од 30 и 24 години. Според податоците од СВР Тетово тие пријавиле дека половина час пред полноќ додека со возило „Цитроен“ се движеле по улица „ЈНА“ во Тетово, во еден момент запреле за да поминат 6 непознати лица. По кусата вербална расправија со нив, двајцата тетовци физички биле нападнати, при што повеќе пати биле удрени со тупаници и клоци, а едниот од нив задобил повреди на главата и укажана му е лекарска помош во тетовската клиничка болница. Се работи на целосно рачистување на случајот и на идентификување и пронаоѓање на напаѓачите.

Во полицискиот билтен на СВР Тетово иформација и за нелегална сеча на дрва. Во периодот помеѓу 6-ти и 10-ти јули, засега непознати сторители во атарот на гостиварското село Горна Ѓоновица, во месноста „Запоѓе“, без одобрение пресекле 54 дабови и 19 букови стебла со вкупна дрвна маса од 10 метри кубни. Поголемиот број од пресечените стебла биле однесени, додека на местото пронајдени се и подигнати околу 2 метри кубни. Се утврдува вкупната материјална штета и се работи на откривање на сторителите.

Од МВР, пак, информираат дека вчера во с.Брвеница–тетовско со наредба од Судија на претходна постапка од Основниот суд Тетово, полициски службеници од Секторот за внатрешни работи Тетово извршиле претрес во стан и други простории кај 52-годишник, при што биле пронајдени: еден пиштол марка „Зброевка“ со калибар 7,65 мм и еден сандак од муниција во кој имало пет мини и две рачни бомби. Известен е јавен обвинител. По завршување на претресот лицето е лишено од слобода.



 
     


 
 
16.07.2018 - Игоре куќа во село Туденце

16.07.2018 - Дваесет и седумгодишник од село Требош бил нападнат од жител на истото село.

16.07.2018 - Потребен е Локален акциски план за сите приоритетни области од Стратегијата за Роми во општина Теарце

15.07.2018 - Кражба во црквата во Луковица

15.07.2018 - Родителите за да препознаат дали нивното дете конзумира дрога треба да знаат да ги "прочитаат" промените во однесувањето

15.07.2018 - Прослава во Тетово

15.07.2018 - На албански државјанин му се губи трагата веќе три недели

14.07.2018 - Тетовската полиција денес инфомираше за повредени лица кои паднале во бездна во Галичник

13.07.2018 - Група од десеттина лица со безбол палки нападнале двајца тетовци вчера на улица во Тетово

13.07.2018 - Инфосесија на програмата на Европската унија "Креативна Европа" во Тетово

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.