07.11.2018 - Дел од тротоарот на булеварот "Благоја Тоска" ослободен за движење на пешаци



Тротоарот на булеварот "Благоја Тоска" на потегот од пазарот кон касарната на десната страна е ослободен за движење на пешаци. Возачите отсега своите возила ги паркираат исклучиво на коловозната лента, во спротивно возилото го подигнува пајак службата. Од левата страна на дел од булеварот, се уште возила се паркираат на тротоарот.

Телевизија Кисс во неколку наврати информираше дека граѓаните на повеќе сообраќајници во градот, посебно на Благоја Тоска, се принудени да ги користат коловозите и да се изложуваат на опасност, затоа што тротоарите се зафатени со паркирани возила. Тетовци сметаат дека ослободувањето на пешачките зони во градот треба да биде постојана и приоритена акција на општинските власти.

Сопствениците на возила и понатаму на мака, немаат доволно паркинг места за паркирање пред зградите во кои живеат, но и на другите улици во градот. Бараат од општинските власти ефикасно и долгорочно решение.

Како што не информираа од канцеларијата за односи со јавноста на општина Тетово, воспоставениот ред на возилата на булеварот "Благоја Тоска" е резултат на заедничката акција на СВР Тетово и општина Тетово, а иницирана од група граѓани кои живеат на оваа улица. Засега нема најава дека ќе биде воведено зонско паркирање на овој булевар.

Понатаму на прашањето за немањето доволно паркинг места и користењето на некои пешачки зони за таа намена, како на пример платото покрај плоштадот, од општина Тетово ни одговорија дека паркирање на плоштадот не е дозволено и затоа е поставена рампа која за жал се демолира од несовесни гарѓани.


Наташа Петровска

 
     


 
 
12.11.2018 - Со цел да се избегне статусната разлика меѓу учениците, и основното училиште Андреа Савески Ќиќиш ги воведе училишните униформи

12.11.2018 - Саем на костени, вино и мед

12.11.2018 - Нападнат главен судија во тетовско, поради незадоволство од резултатот

12.11.2018 - Голомразица на патиштата кон Стража, Маврово и Попова Шапка

12.11.2018 - По повод Светскиот ден на борбата против дијабетесот, Здружението на дијабетичари Тетово организираше бесплатно мерење на шеќер во крвта

11.11.2018 - Пена полна со разни отпадоци

11.11.2018 - Тетово домаќин на 9-тиот Републички натпревар во табла

10.11.2018 - Црквата и општината сосема ги заборавија и кренаа раце од новите православни градски гробишта кај тетовско Фалише

10.11.2018 - Концерт насловен "Мојот пат" на маестро Ивица Зориќ

10.11.2018 - In memoriam- Илија Петровски

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.