31.01.2008 - Тетовецот Нехат Беќири наскоро со изложби во странство

Сликарството на Нехат Беќири е индивидуално организирано, но не е само внатрешно доживување, како се чини на прв поглед, и не е индиферентно во однос на стварноста. Во основа тоа е мошне чувствително и топло сликарство допрено до реалните проблеми, но не како јасен, туку како прикриен одраз наталожен на белото платно. Вака ликовниот критичар Лилјана Неделковска го оценува ликовниот израз на академскиот сликар од Тетово. Беќири е предводник на новата генерација ликовни уметници од градот чии творештва ја пленат публиката и надвор од државните рамки. За две недели Беќири ќе ја презентира автентичната изложба со активна инсталација, а месецов што претстои го очекуваат изложбите во Приштина и Њујорк.

Апстракцијата е стожерна врска на речиси сите негови слики во кои експресионизмот се изразува како спокоен немир, како бесконечна слобода, како излезни патишта на духот, кој се претвора во импресивен свет на боите. Веќе докажаниот академски сликар Невзат Бејтули-Кица не се срами да признае дека делата на Нехат понекогаш делуваат инспиративно и во неговото лично творештво.

Освен со сликарство, Беќири се занимава и со вајарство, дизајн, илустрации и графики. Досега имал неколку самостојни изложби во земјата, како и во Приштина, Сува Река, Раховец, а заедно со неговиот колега Невзат Бејтули-Кица 2005-та година се претставија во меѓународниот град на уметностите-Париз. Учествувал и на голем број групни изложби во Франција. Бугарија и на Косово, како и на македонско-американската уметничка релација- Обединувачки подарок, што се реализираше во Скопје, Тетово и Охрид. Добитник е на повеќе награди и признанија.

Марина Блажевска


 
     


 
 
30.11.2018 - Зимско одржување на патиштата

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

29.11.2018 - Етно вешта жена за Тетово за 2018 година

29.11.2018 - Три лица се повредени во сообраќајна незгода во тетовското село Синичане

28.11.2018 - Тетовци денес дишеа релативно чист воздух

28.11.2018 - Вработените во Општина Тетово во попладневните часови ги напуштија своите работни места.

28.11.2018 - 17-годишна девојка повредена, пак, повредена во сообраќајна незгода

27.11.2018 - Потсетување на гостиварските музичари Стеве Јаковлески и Боби Дојчинов

27.11.2018 - Каква титула би му дале на Тетово, потсетувајќи се назад низ годините?

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.