16.05.2007 - Празникот Свети Атанасиј -летен, вчера традиционално беше про-славен во Стенче.


Верници од Тетово, Гостивар, Волковија, Блаце, Милетино и други места, вчера им се придружија на Стенчани и масовно како и секоја година го прославија празникот Свети Атанасиј - летен. Според традициите прославата на патронот на Стенче се одржа во соборната црква "Свети Илија". Во ова православно светилиште кое е едно од најстарите во крајов, празнувањето започна утрото кога верниците за црквата донираа грав и житарици, а продолжи попладнето со заедничка трпеза на која традиционално се служи грав.
Во Стенче за празникот Свети Атанасиј -летен има специфичен обичај, од гравот кој се подготвува и благословува во црковата, верниците носат дома. За да има за сите готвачите два дена го подготвуваат варивото во 5 казани.
Според обичаите на празникот Свети Атанасиј -летен во Стенче на традиционалната трпеза се собирале само мажите, но во новово време се вклучија и жените. Празнувањата стануваат се помасовни, а песни и ората течат и до доцна во ноќта.
Во обичаите кои се пренесуваат од колено на колено е и црковната лицитација, во која се лицитираат даровите кои верниците за здравје ги оставаат на црквата, а други верници исто така за здравје ги купуваат. Од собраните пари се обновува и доградува црквата. Во иднина дворот на црквата "Свети Илија" во Стенче во кој на вакви прослави ќе се собираат верниците ќе биде ограден и зазеленет. На втори август Стенчани во оваа црква ќе слават 140 години од возобновувањето на православното светилиште.

Натаса Петковска

 
     


 
 
30.11.2018 - Зимско одржување на патиштата

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

29.11.2018 - Етно вешта жена за Тетово за 2018 година

29.11.2018 - Три лица се повредени во сообраќајна незгода во тетовското село Синичане

28.11.2018 - Тетовци денес дишеа релативно чист воздух

28.11.2018 - Вработените во Општина Тетово во попладневните часови ги напуштија своите работни места.

28.11.2018 - 17-годишна девојка повредена, пак, повредена во сообраќајна незгода

27.11.2018 - Потсетување на гостиварските музичари Стеве Јаковлески и Боби Дојчинов

27.11.2018 - Каква титула би му дале на Тетово, потсетувајќи се назад низ годините?

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.