|
10.03.2010 - И годинава ќе продолжат активностите од проектот на Глобал фонд за бесплатно советување и тестирање за ХИВ СИДА, кој во Гостивар го спроведува невладината организација ХЕЛП
Некои работи стануваа секојдневние. Направи ХИВ тест! Со овој слоган продолжуваат активностите од проектот на Глобал фонд за бесплатно советување и тестирање за ХИВ СИДА, кој во Гостивар го спроведува невладината организација ХЕЛП. Месецов предвидени се повеќе информативни работилници, забавно-промотивни настани и дистрибуција на едукативен материјал.
Проектот во Гостивар започна да се спроведува пред девет месеци и до сега беше насочен кон ранливите групи, во најголем случај интравенозни корисници на дрога и сексуални работнички. Беа испитани педесетина лица.
Овој викенд почнува тестирањето на доброволна основа на сите оние кои се сомневаат дека се заразени од ХИВ СИДА. Испитувањата се вршат на терен, во специјално опремено возило каде заинтересираните ќе добиваат и совети од стручни лица.
Од ХЕЛП гарантираат доверливост и дискретност на сите што ќе се обратат кај нив.
Љупка Антеска
|
|
